Profils professiunals

Professiuns multifaras

Nus colliain dapi generaziuns. Cun passa 1'500 collavuraturs tutgain nus tar ils pli gronds patruns da la regiun e tar quels cun la pli gronda popularitad. In terz da tut ils collavuraturs è occupà a Cuira e Landquart. Dus terzs procuran per moviment en las pli differentas valladas ed en ils pli differents lieus da l’entir Grischun. Uschè variadas sco ils lieus da lavur èn er las professiuns: il spectrum tanscha dad automatichers fin ad accumpagnaders da trens.

In’egliada en il mintgadi dals differents profils professiunals.

Nus essan sco ina famiglia.
Nus midain sviaders u binaris e construin novs trajects da viafier. Nus lavurain bler or en il liber ed essan per via sin l’entira rait da lingias. Nus procurain per in viadi segir e cumadaivel da noss clients. Nus essan montaders da binaris.

Il tren digital circulescha e nus duvrain ideas.
Nus essan las persunas da contact per tut ils problems da IT. Nus examinain ed implementain novs products da software e cussegliain ils utilisaders. Nus installain e mantegnain plazs da lavur, servers e sistems da LAN. Nossa sedia principala è a Landquart. Nus essan informatichers.

Tar nus gira adina insatge.
Nus essan ina squadra giuvna ed activa. Nus montain lingias da contact e lavurain cun tut las maschinarias. Nus exercitain differentas funcziuns, dal maschinist sur il manader da manevra fin al schef dal plazzal da fabrica. Nus essan montaders da lingias da contact.

Nus essan l’intersecziun tranter design, lavuratori ed inschigneria.
Nus construin ed essan engaschads da l’entschatta fin al product finì. Nus mesirain, dissegnain, adattain ed inventain. Nus essan constructurs.

Nus surpigliain la testa dal tren.
Nus procurain per segirezza, punctualitad, autenticitad e qualitad sin la rait da binaris fermamain frequentada. Nus essan en viadi da tuttas uras, da di e da notg, sin l’entira rait da lingias. Nus transportain indigens e giasts dad A fin B. Nus essan locomotivists.

Ils ambassadurs per noss clients.
Nus enconuschain la purschida dals products, surtut ils products da premium Glacier- e Bernina-Express. Nus cussegliain indigens e giasts en tut las dumondas da viadi. Nus essan communicativs ed orientads als servetschs. Nus essan cussegliaders da viadi.