Intermediaziun da savida

Emprender d’enconuscher Il patrimoni mundial UNESCO VR

Dapi il fanadur 2008 è la «Viafier retica en la cuntrada da l‘Alvra/Bernina» inscritta sin la glista dals patrimonis mundials UNESCO. La convenziun dals patrimonis mundials intimescha d’intermediar vinavant las valurs dal patrimoni mundial UNESCO. En quest reguard èn già vegnids realisads differents projects sin il sectur online ed offline dapi la recepziun en la glista dals patrimonis mundials.

La Viafier retica è fitg adattada per tractar temas sco istorgia dal traffic, tecnica da viafier, construcziun da viafier, cultura a viafier sco er l’interacziun da la viafier da muntogna en connex cun la natira, cultura ed economia d’ina regiun muntagnarda. Spezialmain per persunas d’instrucziun ha elavurà la Viafier retica quests ed auters temas en il context cun la viafier e cun il traject dal patrimoni mundial UNESCO.

Moduls d‘instrucziun
Persunas d’instrucziun pon telechargiar gratuitamain fegls da lavur ed ideas per ina instrucziun variada davart il patrimoni mundial UNESCO VR. En totalmain 19 moduls pon ins mussar als scolars il traject dal patrimoni mundial, la tecnica da viafier, l’istorgia da viafier ed anc dapli: Tar la documentaziun da scola 

Cultura da viafier «reala»
Sche Vus vulais experimentar «realmain» questa cultura da viafier distinguida sco patrimoni mundial, Als racumandain nus in viadi en la vischnanca da viafier Bravuogn-Filisur, (cun museum da viafier e senda d’aventuras da viafier), en Engiadina, sur il pass dal Bernina (cun senda d’electricitad e mulins da glatscher) u en la Val Puschlav: Tar las purschidas en il patrimoni mundial UNESCO