Cuntrada

Las zonas neutralas

La Viafier retica è in exempel singular per ina viafier ch’è integrada armonicamain en ina cuntrada en l’auta muntogna. La relaziun armonica tranter cuntrada e viafier n’è betg ina casualitad, mabain ella è il resultat d’ina planisaziun prospectiva e la buna colliaziun d’innovaziuns tecnicas e resguard sin la cuntrada.

Berninastrecke bei Alp Grüm

Traject dal Bernina tar Alp Grüm.

Albulastrecke zwischen Bergün und Preda

Traject da l’Alvra tranter Bravuogn e Preda.

Ultra da la lingia da viafier tutga perquai er la cuntrada tar il lieu dal patrimoni mundial. Latiers vegnan differenziadas trais zonas neutralas. La zona neutrala qualifitgada sa colliescha cun la zona principala e cumpiglia implants impurtants e da gronda valur culturala, lieus da muntada naziunala. La zona neutrala locala cumpiglia tut quels territoris che s’agiuntan er a la zona principala, na fan dentant betg part da la zona neutrala qualifitgada. Qua sa chattan per exempel ils quartiers d’abitar creads en il davos temp sco er pitschnas zonas da mastergn e d’industria. La zona neutrala allontanada cumpiglia finalmain l’entir ulteriur sectur da la cuntrada ch’è vesaivel davent dal tren.

Mussavia per planisar e per construir cun qualitad en il perimeter da l'UNESCO
Per l'ina vuless quest mussavia sensibilisar las persunas da cader e la populaziun per il patrimoni mundial da l'UNESCO e per l'autra vuless el mussar co ch'ins po coordinar las differentas gruppas d'interess en las proceduras da planisaziun e da permissiun tenor il dretg da planisaziun. Per quest intent vegnan designads ed explitgads ils instruments ch'èn adattads per realisar projects en il perimeter da l'UNESCO.

Mussavia per planisar e per construir cun qualitad en il perimeter da l'UNESCO