Societad patrimoni mundial VR

Ils protecturs dal patrimoni mundial UNESCO VR

Ils 13 da zercladur 2007 è vegnida fundada la Societad patrimoni mundial VR. Sia intenziun è da coordinar las instituziuns involvidas che s’occupan dal mantegniment e da l’ulteriur svilup dal bain. La societad vegn sustegnida da duas cumissiuns spezialas che s’occupan da la protecziun e dal mantegniment da la viafier sco er da la cuntrada culturala limitrofa.

Vi da la Societad patrimoni cultural VR sa participeschan la Viafier retica, la confederaziun, il chantun Grischun, la provinza Sondrio e las vischnancas che sa chattan en il perimeter. Duas cumissiuns spezialas ageschan sco gremis consultativs e gidan la Societad patrimoni mundial VR da mantegnair la Viafier Retica en la cuntrada da l’Alvra/Bernina en sia cumparsa, ses caracter e sia substanza. A medem temp sustegnan ellas l’ulteriur svilup dal patrimoni mundial, respectond las reglas dal gieu fixadas, las valurs e las finamiras da l‘UNESCO sco er da la cunvegna davart la protecziun dal patrimoni natiral e cultural dal mund.

En accordanza cun la charta da la Societad patrimoni mundial VR vulan las cumissiuns spezialas coordinar e sviluppar vinavant ils instruments existents da protecziun e planisaziun per la viafier e la cuntrada culturala sco er examinar cuntinuadamain il stadi dal patrimoni mundial cun mesiras adattadas da monitoring e da controlling.

Cun purschidas d’infurmaziun e da turissem autenticas e d’auta qualitad vul ins render attent ils giasts ed indigens sin las valurs singularas e sensibilisar els. A medem temp duai vegnir promovida l’utilisaziun persistenta da la Viafier retica sco med da traffic ecologic sco er la creaziun da valur regiunala, cun la finamira da garantir l’avegnir dal patrimoni mundial UNESCO.

Statuts da la societed
Reglament d‘organisaziun

Secretariat Societad
«Verein Welterbe RhB»
c/o Rhätische Bahn
Bahnhofstrasse 25
CH-7001 Chur
Tel +41 81 288 63 90