Lingias da viafier

La zona principala

Ils trajects da l’Alvra e dal Bernina furman la zona principala dal patrimoni mundial UNESCO VR. Il  traject da l’Alvra è vegnida terminada il 1903, il traject dal Bernina il 1910. Ils dus trens fan accessibel l’Engiadin’Ota per il turissem internaziunal ed èn sez eveniments turistics.

Per la construcziun da la viafier da l‘Alvra (Tusaun-San Murezzan) èn vegnids consultads experts renumads. Trassaziuns e tut las construcziuns èn vegnidas fatgas tenor normas che  correspundevan a la pratica la pli moderna da la construcziun da trens en muntogna. La viafier da l’Alvra è vegnida construida sco viafier da muntogna classica per la gestiun a vapur. Sia trassaziun e sias construcziuns d’art da crappa rutta dal lieu èn il punct culminant da la perioda classica da construcziun da la viafier.

Luftaufnahme des Landwasserviadukts

Viaduct da la Landwasser sin il traject da l‘Alvra.

Kreisviadukt Brusio

Viaduct a spirala Brusio sin il traject dal Bernina.

La viafier dal Bernina (San Murezzan - Tirano) è in’adattaziun innovativa dal tren electric intercommunal cun trassaziun excellenta en l’auta muntogna. En las Alps è ella il model per bleras viafiers projectadas ed insaquantas construidas. Il traject dal Bernina è oz singular en l’entir mund: I sa tracta da la pli auta transversala da las Alps e d’ina da las pli stippas viafiers d’adesiun dal mund.

Las construcziuns d’art dal traject da l’Alvra e dal Bernina (punts, staziuns, indrizs regulaturs, tunnels e lur portals) furman in’unitad cun la topografia speziala. La tscherna dal traject, surtut quel dal Bernina, è stada motivada commensuradamain tras l’intermediaziun d’attracziuns turisticas e da la cuntrada. Tuttas duas viafiers possedan edifizis d’auta qualitad ed èn concepidas puncto traject e puncto construcziuns autas cun relaziun intenziunada cun la cuntrada.

Extract da charta traject cumplessiv

Extract da charta traject da l‘Alvra

Extract da charta traject dal Bernina

Extract da charta construcziuns d’art traject da l‘Alvra

Extract da charta construcziuns d’art traject dal Bernina