Cun la biblioteca dal chapitel a San Gagl na posseda la Svizra betg sulettamain bains culturals da format mundial che tutgan tar il patrimoni mundial. Ella è er benedida cun cuntradas uschè singularas ch’ellas stattan sut la protecziun da l‘ UNESCO.

Il glatscher d’Aletsch per exempel u las terrassas da vignas dal Lavaux. Ed anc bler dapli. Singularitad sto vegnir protegida. Quai oblighescha da mantegnair e da parter.

La citad veglia da Berna
La claustra da benedictinas Son Gion a Müstair
Il district dal chapitel da Son Gagl
Ils chastels-fortezza da  Bellinzona
Las Alps svizras Jungfrau-Aletsch
Monte San Giorgio
Lavaux, terrassas da vignas
L’arena tectonica sviza Sardona
La Viafier retica en la cuntrada da l’Alvra/Bernina
La Chaux-de-Fonds / Le Locle, Cuntrada da citad, industria d’uras
Palissadas enturn las Alps
UNESCO Biosferas Entlebuch

Guardian da la pasch
I dat objects uschè prezius che l’entira umanitad sto als pertgirar: per exempel citads da bellezza singulara, cuntradas e bains culturals. E la pasch. «Perquai che las guerras naschan en il spiert dals carstgauns, sto er la pasch vegnir francada en il spiert dals carstgauns.» Quai è l’idea directiva da l‘UNESCO, fundada l‘onn 1945, l’organisaziun da las Naziuns Unidas per furmaziun, scienza e cultura. Sia finamira suprema è quella da mantegnair la pasch. Ella administrescha er il patrimoni mundial da l’umanitad che sa cumpona da patrimoni mundial cultural e da la natira.