La Viafier retica ha definì champs d’acziun per lung da la chadaina da valurisaziun ed ha attribuì als temas da la persistenza. La basa è il concept da la ferma persistenza che resguarda la dimensiun ecologica sco prioritad entaifer la persistenza. La natira è la basa per il bainstar social e per il success economic. Per mintga champ d’acziun è vegnida definida ina persuna (responsabla per la persistenza) che coordinescha e surveglia ils svilups e las incumbensas en il champ correspundent.

La Viafier retica metta il focus sin ils dus champs d’acziun «clima ed energia» e «ambient e biodiversitad». Strategias, projects e campagnas en quests dus champs d’acziun vegnan promovids ed accumpagnads intenziunadamain. Uschia duain vegnir meglieradas la protecziun da la natira e la protecziun dal clima.
Cun quest focus garantescha la Viafier retica la meglra transparenza pussaivla ed ademplescha las aspectativas dals acturs da la persistenza ecologica. La protecziun da las cuntradas natiralas rinforza ultra da quai la marca singulara da la Viafier retica.
