Tar nus stat l'uman en il center. Tant en il lavuratori, en il tren sco er en il biro – cuminaivlamain procurain nus che la VR è da viadi a moda fidabla, segira e favuraivla al clima.
Sco patruna undrada purschain nus cundiziuns da lavur fairas, plazs da lavur moderns e perspectivas realas per sa sviluppar. Noss team viva il sustegn vicendaivel, l'engaschament e la superbia dad esser part d'ina interpresa cun cor e tradiziun.
Quai che fa spezial nossa lavur
Ti vuls savair pli en detagl, pertge che ti fas sco collavuratura u collavuratur da la VR part d'insatge pli grond? Ve a savair co ch'igl è, sche la tecnica moderna scuntra la culissa alpina impressiunanta ed il spiert da team scuntra senn e responsabladad.
Diversitad da plazzas
Da la tecnica fin al turissem: Tar nus chattas ti plazzas cun perspectiva – en il vair senn dal pled sco er en il senn figurativ. Passa 1'800 collegas tegnan en moviment il Grischun, da la construcziun da binaris sur l'IT fin al dialog cun la clientella a la staziun. Scuvra profils professiunals e schanzas da svilup.
Tia plazza d'emprendissadi tar la VR
Nua che tradiziun scuntra innovaziun
Tar nus daventas ti part d'in team unic che gestiunescha cun passiun ils pli bels trajects da trens da la Svizra. Ensemen cun nossa partenaria da furmaziun login purschain nus a tai ina scolaziun fundada cun invistas interessantas en il mund dal traffic public e la tecnica la pli moderna. Tes svilup persunal ans stat a cor – perquai promovain nus tai a moda individuala ed a basa da la pratica.
Undrada - pliras giadas
Dapi tschintg onns essan nus sin la glista dals "megliers patruns da la Svizra". Tge è uschè bun tar nus? Il meglier pon noss:as collavuratur:as gist declerar quai sez:zas.
Nus essan qua per tai
La squadra da la resursas umanas da la Viafier retica
Nossa squadra da las resursas umanas ta sustegna gugent a moda persunala e cumpetenta, sche ti has dumondas davart plazzas libras, l'emprendissadi u l'annunzia. Nus t'accumpagnain sin la via vers tes avegnir professiunal tar la VR e procurain che ti ta sentas bain d'emprim ennà. Nus ans legrain sin tes messadi!