Il cussegl administrativ maina la Viafier retica cun definir perspectivas a lunga vista. El sa cumpona da set commembras e commembers che la radunanza generala elegia. Il president dal cussegl administrativ è dr. Mario Cavigelli.
Sco giunta d'examinaziun sustegna l'Audit Committee il cussegl administrativ en sia funcziun sco surveglianza suprema, en il management da ristgas ed en il sistem da controlla intern. Per la procedura da decisiun ed ils conclus è responsabel il cussegl administrativ cumplessiv. Tenor ils statuts ha il cussegl administrativ delegà la gestiun dal manaschi a la direcziun da la Viafier retica.
Dr. Mario Cavigelli
President, designà da la regenza dal chantun Grischun, commember da l'Audit Committee
Annada: 1965
En uffizi dapi: 9 da zercladur 2023
Furmaziun: dr. iur. advocat
Carriera professiunala: dapi il 1-1-2023 activitad da gudogn independenta tar «Cavigelli Beratung» (cussegliaziun d'interpresa e da dretg, cussegl administrativ); cusseglier guvernativ dal chantun Grischun, advocat e mandats sco president resp. commember en cussegls administrativs
Activitads: cussegliaziun d’interpresas e da dretg; president dal cussegl d’administraziun da la VR Immobiglias SA e Catram SA; president da la cumissiun administrativa Interpresa d’infrastructura Plazza aviatica regiunala Samedan; cussegl d’administraziun Swissgrid SA, Total Bauprodukte SA ed Agon Partners Compliance SA; cussegl da fundaziun Fundaziun Cuort Ligia Grischa
Renzo Simoni
Vicepresident, parsura da l'Audit Committee
Annada: 1961
En uffizi dapi: 8 da zercladur 2018
Furmaziun: dr. sc. tecn., inschigner da construcziun ETH
Carriera professiunala: dapi ils 30-6-2017 activitad da gudogn independenta; CEO AlpTransit Gotthard AG; commember da la direcziun da Helbling Beratung und Bauplanung; manader dal sectur cussegliaziun da patruns da construcziun en la construcziun bassa da la Ernst Basler + Partner AG
Activitads: president dal cussegl d’administraziun Verkehrsbetriebe Luzern AG; president da l’ospital clinica psichiatrica universitara Turitg
Cornelia Appetito Isenmann
Commembra dal cussegl administrativ, commembra da l'Audit Committee
Annada: 1962
En uffizi dapi: 10 da zercladur 2022
Furmaziun: economa, lic.rer.pol.
Carriera professiunala: producziuns da teater e concerts; activitad da gudogn independenta Appetito GmbH Interimsmanagement + Consulting; manadra da la planisaziun dal traffic Viafier Matterhorn-Gottard; vicemanadra dals chaus-tren e manadra Planisaziun da las resursas dal traffic da persunas VFF; manadra da project per la reorganisaziun dal traffic da persunas regiunal VFF; scheffa da secziun Uffizi federal da traffic
Activitads: differents mandats en la lavur voluntara, producziuns da teater e concerts sco chorista, scolaziun da chant e flauta traversa, chasarina
Beatrice Baselgia-Brunner
Commembra dal cussegl administrativ
Annada: 1956
En uffizi dapi: 5 da zercladur 2020
Furmaziun: scolasta; pedagoga curativa Universitad da Friburg; diplom «Öffentliche Verwaltung und Non-Profit-Organisationen», SAS Grischun; studi supplementar al diplom «Institutionen leiten und entwickeln», Scola auta interchantunala per pedagogia curativa Turitg
Carriera professiunala: manadra da la pedagogia dal Center per pedagogia speziala Giuvaulta; manadra dal secretariat Magistraglia grischuna; presidenta communala da Domat (2008 – 2016)
Activitads: deputada dal cussegl grond dal Grischun; presidenta dal cussegl da fundaziun Pro Senectute Grischun; cussegliera da fundaziun Patrimoni Cultural; commembra dal cussegl grischun e svizzer dals seniors; presidenta da la societad purtadra da la canorta d’uffants Tripiti
Kurt Baumgartner
Commember dal cussegl administrativ
Annada: 1965
En uffizi dapi: 10 da zercladur 2022
Furmaziun: cuschinier, hotelier dipl. SHL, studi supplementar al diplom SHV
Carriera professiunala: possessur da las suandantas interpresas: Hotel Münchwilen 2020 AG, Baumgartner Immo Scuol AG, GuardaVal Scuol AG, Hotel Belvair AG, Belvédère Scuol AG; fittanza da l'hotel da quatter stailas Hohenfels Arosa; activitads en la hotellaria en Svizra ed a l'exteriur
Activitads: president dal cussegl d’administraziun Hotel Münchwilen 2020 SA, Hotel Flaz SA, GuardaVal Scuol SA, Hotel Belvair SA, Belvédère Scuol SA, KHolding SA e JHolding SA; vicepresident dal cussegl d’administraziun Holzwärmeverbund Scuol SA; cussegl d’administraziun Schällenmatt SA, Chesa Spinas SA, Fundaziun da prevenziun Hotela e Hotela Assicuranzas SA; commember da la suprastanza Hotellerie Suisse Grischun
Martin Bütikofer
Commember dal cussegl administrativ
Annada: 1961
En uffizi dapi: 8 da zercladur 2018
Furmaziun: electroinschigner ed inschigner en economia dipl. / AMP INSEAD
Carriera professiunala: directur dal Museum svizzer da transports; manader da la partiziun da manaschi traffic regiunal VFF; directur da la societad da navigaziun dal Lai dals Quatter Chantuns; manader da l'uffizi per il traffic public dal chantun da Zug; inschigner da perscrutaziun, da retschertga e da scolaziun (CH/GB/USA)
Activitads: president dal cussegl d’administraziun Lucerna Turissem SA; vicepresident dal cussegl d’administraziun Aare Seeland mobil SA; cussegl d’administraziun BLS SA, Viafier svizra Südost SA, Signal SA e conim SA; cussegliaziun d’interpresas da transport, da turissem e da l’industria sco er d’uffizis federals e chantunals e da las scolas autas
Vera Stiffler
Commembra dal cussegl administrativ
Annada: 1974
En uffizi dapi: 8 da zercladur 2018
Furmaziun: hoteliera dipl. EHL, economa da manaschi SAS, Executive Master of Science en Communications Management
Carriera professiunala: activitad da gudogn independenta (dapi il 2013); manadra dal marketing da la VR (2008 – 2012); manadra internaziunala da la partiziun medias tar Tradedoubler; managera da l'online marketing Europa tar Dell
Activitads: cussegliera administrativa Glacier Express SA, Appenzeller Bahnen SA, HEW SA Interpresa da construcziun e soul.media ag; commember da la suprastanza HEV Cuira Regio; deputada dal cussegl grond Grischun