Vaguns vegls da trens da la Viafier retica davant la culissa d'enviern

Material rudlant

Las capodovras rudlantas da la Viafier retica

Per pudair transportar mintga di millis da passagier:as tras il Grischun dovri blers vehichels: Var 1'000 locomotivas, trens a cumposiziun bloccada e vaguns da tuttas sorts gidan nus a porscher aventuras da viadi nunemblidaivlas per noss:as passagier:as. Latiers vegnan vaguns da martganzia per il transport da rauba fidà e vaguns per autos che pussibiliteschan in transport empernaivel da l'agen vehichel.

Ils vaguns da panorama dal Bernina Express e dal Glacier Express porschan ina vista enturn ed enturn ed in confort suprem. Noss trens ad autotracziun Allegra mainan nus cun forza, eleganza e confort tras las muntognas. Ils trens a cumposiziun bloccada Alvra porschan in confort spezial per ils:las passagier:as. Ed ils trens ad autotracziun moderns Capricorn han per finir purtà in vent frestg en la flotta da la Viafier retica.

Era noss vehichels istorics sco las locomotivas a vapur, ils vaguns-salun u ils vaguns cun vista averts fan part da nossa purschida. Els laschan reviver l'istorgia da la viafier e porschan aventuras da viadi nostalgicas cun in scharm particular.

Vehichels moderns

Confortabels ed effizient

Per lung dal Rain charrescha in tren tras la chavorgia dal Rain en la profunditad, cuvrida da guaud, cun vista da las Alps.

Trens ad autotracziun Capricorn

Ils trens ad autotracziun Capricorn porschan tut il confort e rampas d'entrada bassas. Ils trens cun accuplaments automatics pussibiliteschan in manaschi effizient da trens cun duas destinaziuns.

Dapli davart ils trens ad autotracziun Capricorn

Trens a cumposiziun bloccada Alvra

Cun ses cumpartiments per famiglias sco era per far fotografias e grazia ad entradas senza barrieras èn ils trens a cumposiziun bloccada Alvra perfetgs per excursiuns sin la lingia da l'Alvra.

Dapli davart ils trens a cumposiziun bloccada Alvra