La Viafier retica concentrescha ses engaschament da persistenza sin champs d'activitad definids cleramain per lung da l'entira chadaina da creaziun da valur. En quest connex stat la protecziun da l'ambient en il center: Nus ans concentrain sin quai che porta il pli grond effect. La basa furma il concept da la gronda persistenza che considerescha entaifer la persistenza la dimensiun ecologica sco prioritad.
Nus mettain il focus sin ils champs d'acziun «reducir la polluziun da l'ambient» e «spargnar energia». Cun strategias, projects e campagnas cun cleras intenziuns en quests dus champs d'acziun contribuin nus a moda impurtanta a la protecziun da la natira e dal clima ed ademplin las spetgas da noss stakeholders.
La natira è la basa per la bainstanza sociala ed il success economic. En mintga champ d'acziun vegnan las incumbensas ed ils svilups coordinads e survegliads da persunas responsablas per la persistenza.