La Viafier retica s'engascha fermamain per la persistenza. Quai munta: Tar nus ha la natira prioritad, pertge ch'ella è la basa per la bainstanza sociala ed il success economic. Nus gidain da mantegnair la cuntrada muntagnarda grischuna e purschain ina mobilitad favuraivla a la natira ed al clima.
Persistenza è tradiziun tar la VR. Nus avain gia baud midà sin l'electrificaziun ed uschia preparà il terren per ina mobilitad persistenta. Dapi il 1922 van noss trens cun energia electrica e dapi il 2013 cun 100 % electricitad da forza idraulica. Uschia contribuin nus activamain a la midada sin il sectur da l'energia ed a las stentas da cuntanscher las finamiras da netto nulla.
Nossa infrastructura da viafier è concepida a moda favuraivla a la natira: Ella cuvra pauc terren, protegia animals cun indrizs d'alarm per selvaschina e vials per animals pitschens e reducescha canera e glisch. Uschia vegnan mantegnidas la diversitad e la bellezza da las Alps per noss uffants e noss biadis. Ina part da nossa rait appartegna dapi il 2008 al Patrimoni mundial da l'UNESCO. Quai oblighescha nus da mantegnair il patrimoni cultural e natiral.
La Viafier retica collia tecnica, tradiziun e natira e mussa co che mobilitad persistenta funcziuna dapi generaziuns.
Maletg directiv da persistenza
Noss maletg directiv da persistenza fixescha cun cleras directivas noss agir persistent - sin stgalim economic, ecologic e social.
Champs d'activitad
Nus concentrain noss engaschament da persistenza sin champs d'activitad definids cleramain per lung da l'entira chadaina da creaziun da valur.
Certificaziuns
Cun certificaziuns regularas faschain nus la segira da respectar ils auts standards per la persistenza.
Rapport da persistenza
Cun la strategia 2030 essan nus ans obligads da promover la persistenza e da contribuir positivamain a la societad. Noss rapports da persistenza fan visiblas nossas plivalurs.
