Per pudair transportar mintga di millis da passagier:as tras il Grischun dovri blers vehichels: Var 1'000 locomotivas, trens a cumposiziun bloccada e vaguns da tuttas sorts gidan nus a porscher aventuras da viadi nunemblidaivlas per noss:as passagier:as. Latiers vegnan vaguns da martganzia per il transport da rauba fidà e vaguns per autos che pussibiliteschan in transport empernaivel da l'agen vehichel.
Ils vaguns da panorama dal Bernina Express e dal Glacier Express porschan ina vista enturn ed enturn ed in confort suprem. Noss trens ad autotracziun Allegra mainan nus cun forza, eleganza e confort tras las muntognas. Ils trens a cumposiziun bloccada Alvra porschan in confort spezial per ils:las passagier:as. Ed ils trens ad autotracziun moderns Capricorn han per finir purtà in vent frestg en la flotta da la Viafier retica.
Era noss vehichels istorics sco las locomotivas a vapur, ils vaguns-salun u ils vaguns cun vista averts fan part da nossa purschida. Els laschan reviver l'istorgia da la viafier e porschan aventuras da viadi nostalgicas cun in scharm particular.
Vehichels istorics
Da la locomotiva a vapur al crocodil
Ulteriurs tips da vehichels
Dal taglianaiv al vagun da vista avert
