Viafier retica

Viagiar a moda fascinanta e nunusitada

Reservar Voss viadi panoramic Plazzas vacantas

Scuvri la Viafier retica sco part dal Patrimoni mundial da l'UNESCO. Giai cun il Bernina Express ed il Glacier Express sur viaducts giagliards. As laschai intgantar da la natira ed admirai las capodovras dals inschigniers. La Viafier retica è dapli ch'in med da transport. Nus colliain umans, regiuns e muments – cun agid da tecnica impressiunanta, in'ospitalitad autentica e tschancuns panoramics legendars.

Quai caracterisescha nus

Ragischs regiunalas ed in renum mundial

La Viafier retica ha fermas ragischs en il Grischun – en la populaziun, en la cultura ed en il mintgadi. A medem temp fascinescha ella giasts da l'entir mund cun viadis impressiunants en trens panoramics e sin il tschancun da la Viafier retica che fan part dal Patrimoni mundial da l'UNESCO.

Favuraivla al clima e fidabla

Cun electricitad producida per 100% da forza idraulica viagiais Vus cun la VR a moda persistenta tras las Alps svizras. Cun punctualitad, segirtad e confort: uschia èsi bel dad ir cun tren.

Aventuras per pitschen e grond

Saja quai in vagun da famiglia cun plazza da gieu, viadis d'exploraziun per uffants u vistas da bellezza per creschids – nus purschain insatge per in e scadin. Viagiar cun la VR è in'aventura per l'entira famiglia.

Tradiziun ed innovaziun

Dapi passa 130 onns collia la VR umans e regiuns – cun precisiun tecnica ed ospitalitad autentica. Oz sviluppain nus la mobilitad digitala e globalisada da damaun.

Ina nova aventura spetga Vus!

Noss tschertgader d'aventuras As gida a chattar il viadi adattà per Vus. Selecziunai l'attracziun che Vus vulais vesair u il lieu da partenza giavischà.

Chattar la dretga aventura per Vus

La viafier scuntra las muntognas - noss highlights per Voss temp liber

Trens panoramics

Entrar, sa smirvegliar, giudair: Il Bernina Express maina Vus sur il Pass dal Bernina sin il tschancun da la VR che fa part dal Patrimoni mundial da l'UNESCO e porscha a Vus vistas nunemblidaivlas sin glatschers e lais da muntogna. Cun il Glacier Express giudais Vus in viadi paschaivel tranter San Murezzan e Zermatt e pudais giudair highlights culinarics e contemplar las Alps svizras.

Patrimoni mundial da l'UNESCO

Viagiai sin dus tschancuns che tutgan tar ils pli spectaculars dal mund: Las lingias da l'Alvra e dal Bernina intgantan cun viaducts impressiunants, tunnels fascinants ed in viadi tras il mund muntagnard grischun che prenda il flad. Dapi il 2008 fan ellas part dal Patrimoni mundial da l'UNESCO – e spetgan sin Vus.

Vapur e nostalgia

Faschai in viadi en il temp: Nossas locomotivas istoricas, noss vaguns restaurads cun premura ed ils tschancuns impressiunants tras las Alps grischunas fan reviver cun mintga viadi in toc istorgia da la viafier. Saja quai in'excursiun d'in di u in regal – quests viadis nostalgics collian tradiziun ed emoziun.

Daletg cun vista

Daletgs gastronomics scuntran il panorama alpin: Scuvri las spezialitads culinaricas dal Grischun. Saja quai en il vagun-restaurant da bun stil Gourmino, en l'Arosa Genussexpress, u durant ils viadis tematics stagiunals: Mintga viadi daventa in daletg per la bucca e per l'olma. Noss viadis culinarics cumbineschan gastronomia fina cun vistas grondiusas.

Tia plazza da lavur tar la VR

Uschè multifara sco il Grischun

Tar la Viafier retica stat l'uman en il center. Saja quai en il lavuratori, sin la rait da lingias u en il biro: Ensemen ans engaschain nus per ina mobilitad fidabla e favuraivla al clima. Scuvra quai che renda nus unica sco patruna – e daventa ina part da nossa squadra. Nus purschain 1800 plazzas variadas en tut las regiuns dal Grischun.

Ussa t'infurmar e t'annunziar