Cussegl consultativ

Il cussegl consultativ po far recumandaziuns davart il svilup da la Viafier retica per mauns dal cussegl administrativ. El resguarda cunzunt era dumondas ed interess da la regiun respectiva. Il Cussegl grond e la Regenza dal chantun Grischun elegian mintgamai diesch commembras e commembers per ina perioda da quatter onns en il cussegl consultativ. Il cussegl consultativ sa raduna almain ina giada ad onn. Il cussegl administrativ e la direcziun da la Viafier retica participeschan a las sesidas cun vusch consultativa. Il cussegl consultativ prenda encunter orientaziuns davart il svilup da l'interpresa e po far recumandaziuns per mauns dal cussegl administrativ. Cura che la Viafier retica ha reorganisà ed empitschnì il cussegl administrativ il 1998, ha ella stgaffì ensemen cun la Regenza in cussegl consultativ che dumbra 21 commembras e commembers. Il cussegl consultativ vegn presidià dal parsura dal cussegl administrativ da la Viafier retica. El sa cumpona da las suandantas commembras e dals suandants commembers: