Noss'emissiun
«La Viafier retica muventa il Grischun e fascinescha clients da tut il mund.»
Nus rendain accessibel il Grischun, essan favuraivels a la clientella e da viadi a moda segira, netta e punctuala.
Nus ans concentrain sin ina zona centrala delimitada cleramain e prendain activamain influenza sin la concepziun da la purschida dal traffic public en il Grischun.
Nus essan in'interpresa fidada ed orientada a la durabilitad per noss clients, per il maun public, per noss collavuraturs e noss partenaris.
Nus contribuin al svilup dal turissem en il chantun Grischun.
Nossa strategia
Per realisar la visiun han il cussegl d'administraziun e la direcziun generala deliberà la strategia 2030. Il parc da vehichels da la Viafier retica (VR) ha in grond basegn da vegnir renovà. Questa modernisaziun cumplessiva nizzegia la VR ils proxims onns per augmentar cleramain la productivitad. Ella accentuescha uschia sia rolla sco patruna responsabla e pitga principala en il Grischun sco chantun da turissem.
Finamiras surordinadas
Nus avain dapli passagiers e clientella intgantada.
Nus augmentain l'attractivitad dal Grischun.
Nus essan effizients ed economics.
Orientaziuns strategicas
Meglierar la purschida ed optimar la producziun.
Sviluppar products e conquistar novs martgads e novas gruppas da clientella.
Modernisar, standardisar e sviluppar la flotta, l'infrastructura ed ils areals.
Promover la durabilitad, la diversitad e la transfurmaziun digitala.