Tgi che viagia cun la Viafier retica, viva a moda intensiva ina capodovra istorica, tecnica e da la cuntrada. Sin 385 kilometers binaris metrics serpegian ils trens da la VR tras il panorama alpin. In terz da quest traject appartegna al Patrimoni mundial da l'UNESCO Viafier retica – ina capodovra admirada sin tut il mund.
Dapli che 90 pertschient dals tschancuns da la VR èn vegnids construids da pioniers da la viafier avant l'Emprima Guerra mundiala. In tschintgavel dals binaris passa sur punts e viaducts e tras tunnels plain tradiziun. Ed in terz dal traject sa chatta sin pli che 1'500 meters sur la mar, là nua che l'aria e la vista èn pli cleras.
