Dapi passa in tschientaner colliain nus umans, culturas e cuntradas. Cun noss trens cursain nus tras chavorgias selvadias, sur viaducts spectaculars e tras vals spaziusas. Nus essan in toc patria, in simbol per tradiziun e lieu da brama per viagiaturas e viagiaturs da l'entir mund.
Cun forza innovativa, persistenza e fidadadad creain nus aventuras nunemblidaivlas. Var 1'800 collavuraturas e collavuraturs engascha:das procuran che passa 15 milliuns passagieras e passagiers cuntanschian mintg'onn lur destinaziun a moda segira e punctuala. Saja quai en il traffic da persunas, en il transport da martganzia u en il transport d'autos al Vereina – nus garantin colliaziuns fidablas en il Grischun.
Noss trens panoramics Bernina Express e Glacier Express sco era la Viafier retica en la cuntrada Alvra/Bernina sco part dal Patrimoni mundial da l'UNESCO intgantan umans en l'entir mund.
Cun nus vesais Vus la Svizra a moda fascinanta e nunusitada.
Missiun e visiun
Per il Grischun e per giasts da l'entir mund
Nus mettain en moviment il Grischun e fascinain nossa clientella che deriva da l'entir mund. Sco viafier alpina attractiva ans basain nus sin l'innovaziun, la persistenza e l'effizienza. Cun nossa strategia 2030 concepin nus l'avegnir dal traffic public a moda activa e rinforzain il turissem en il chantun Grischun.
Persistenza
Responsabladad per generaziuns
Nus ans fidain per 100% da la forza idraulica, reducin emissiuns ed investin en projects innovativs per spargnar energia. Persistenza signifitga per nus dentant dapli che ecologia: Nus surpigliain responsabladad sociala, dain paisa ad acquisiziuns gistas e procurain per cundiziuns da lavur segiras. Ina vaira mobilitad è mo pussaivla, sche la natira, l'uman e l'economia èn en equiliber.
Istorgia
Dapi il 1889 da viadi a moda fascinanta e nunusitada
L'istorgia da la Viafier retica fa part da l'identitad grischuna – ed è in chapitel plain spiert da pionier. Quai che ha cumenzà il 1889 cun l'emprim traject da Landquart a Claustra è oz ina rait da lingias da 385 kilometers amez las Alps. En il decurs dals decennis èn vegnids stgaffids capodovras da renum mundial sco il tunnel da l'Alvra u il viaduct da la Landwasser. Nossas ragischs influenzeschan nus e furman il fundament per l'avegnir.
Organisaziun
Communablamain per ina ferma VR
Davos la Viafier retica stattan umans che surpiglian mintga di responsabladad – da la direcziun strategica fin al manaschi senza incaps. Cun sias visiuns dat il cussegl administrativ orientaziun strategica, la direcziun dat impuls per l'avegnir ed ils secturs da manaschi procuran ch'ils trens, l'infrastructura e las purschidas funcziunian a moda fidabla.
Furma giuridica ed acziunariat
Francada en la regiun
La Viafier retica è organisada sco societad anonima da dretg privat – cun ferm:as proprietari:as public:as. Il chantun Grischun e la Confederaziun possedan ensemen 90 pertschient da las aczias e garanteschan uschia il svilup a lunga vista da la Viafier retica en l'interess da la regiun. Il medem mument pussibilitescha la participaziun da vischnancas e d'acziunari:as privat:as ina vasta enragischaziun. Transparenza e cleras reglas furman la basa da noss agir.
Cifras distinctivas
Fatgs impressiunants
Quants kilometers cumpiglia la rait da lingias? Quant gronda è la flotta da vehichels? Il rapport da gestiun e las cifras distinctivas davart l'infrastructura ed il material rudlant dattan invistas interessantas.