Stgazis da renum mundial en Svizra
La Svizra posseda bains culturals e natirals ch'èn uschè unics ch'els vegnan protegids da l'UNESCO. Saja quai la citad veglia da Berna, las terrassas da vignas dal Lavaux, il glatscher da l'Aletsch u la Viafier retica en la cuntrada da l'Alvra e dal Bernina – mintgin da quests lieus raquinta sia atgna istorgia e fa da la Svizra in pajais plain miraclas mundialas. Ensemen cun ulteriurs partenaris mussa l'iniziativa World Heritage Experience Switzerland quant multifars ed accessibels che quests stgazis culturals èn. Scuvri sin la pagina da World Heritage Experience Switzerland ils numerus stgazis culturals da la Svizra: www.unsererbe.ch
Las guardias da la pasch
Tschertas chaussas èn uschè preziusas che l'entira umanitad sto far guardia dad ellas: citads, cuntradas, bains culturals unics – e la pasch. «Cunquai che las guerras naschan en il spiert dals umans, sto era la pasch vegnir inscritta en il spiert dals umans.», quai è l'idea directiva da l'UNESCO dapi il 1945.
La Svizra fa era part da quest patrimoni cun ses bains culturals protegids: da la citad veglia da Berna sur il glatscher da l'Aletsch fin a la Viafier retica en la cuntrada da l'Alvra e dal Bernina. Mintgin da quests lieus è in stgazi da renum mundial – ed in invit d'al scuvrir e d'al mantegnair.
Scuvri ils bains protegids da l'UNESCO en Sviz
Contactai World Heritage Experience Switzerland
World Heritage Experience Switzerland collia ils lieus dal patrimoni mundial en Svizra ed als renda accessibels. Saja quai cultura u natira - qua chattais Vus infurmaziuns, cooperaziuns e purschidas davart ils patrimonis mundials da l'UNESCO en Svizra. En cas da dumondas u partenadis As stat il secretariat gugent a disposiziun.
World Heritage Experience Switzerland
World Heritage Experience Switzerland
Contactai la Cumissiun svizra da l'UNESCO
La Cumissiun svizra da l'UNESCO represchenta la Svizra entaifer l'UNESCO e sustegna la realisaziun da sias finamiras - da la protecziun dal patrimoni mundial fin a la promoziun da la furmaziun, scienza e cultura. As drizzai directamain al secretariat per ulteriuras infurmaziuns u dumondas concretas.
Cumissiun svizra da l'UNESCO
c/o DFAE, secziun UNESCO