Cuminaivlamain per in patrimoni d'impurtanza mundiala
L'Uniun dal Patrimoni mundial VR è vegnida fundada il 2007 per proteger e sviluppar vinavant il Patrimoni mundial da l'UNESCO «Viafier retica en la cuntrada da l'Alvra e dal Bernina». Da l'uniun fan part la Viafier retica, la Confederaziun, il chantun Grischun, la provinza da Sondrio e las vischnancas en il perimeter.
Duas cumissiuns spezialas cusseglian l'uniun en dumondas da la protecziun, da l'utilisaziun persistenta e da la sensibilisaziun da giasts e persunas indigenas. Quai garantescha che quest patrimoni unic restia viv er en l'avegnir.
Statuts e reglament
La basa da l'uniun
La lavur da l'Uniun dal Patrimoni mundial VR sa basa sin reglas e structuras cleras. Ils statuts da l'uniun ed il reglament d'organisaziun dattan invista en las incumbensas, las finamiras e las responsabladads – e mussan co ch'il Patrimoni mundial da l'Alvra e dal Bernina vegn protegì e sviluppà vinavant a lunga vista.
Il plan da gestiun
Il plan da gestiun determinescha, dal punct da vista formal, la collavuraziun internaziunala e la structura d'organisaziun per la candidatura transcunfinala «La Viafier retica en la cuntrada da l'Alvra e dal Bernina». Dal punct da vista material definescha el il maletg directiv e las finamiras per il svilup futur dal patrimoni mundial sco era las mesiras che gidan da proteger, mantegnair e sviluppar vinavant a moda persistenta il bain cultural d'impurtanza mundiala.
Rapports da gestiun
Uniun patrimoni mundial VR
Contactar l'Uniun dal Patrimoni mundial VR
Nus ans legrain da Voss interess per il Patrimoni mundial da l'UNESCO «La Viafier retica en la cuntrada da l'Alvra e dal Bernina». Saja quai per dumondas, propostas u collavuraziuns pussaivlas – l'Uniun dal Patrimoni mundial VR As stat gugent a disposiziun.
Secretariat da l'uniun «Verein Welterbe RhB» c/o Rhätische Bahn Bahnhofstrasse 25 CH-7001 Chur Tel +41 81 288 63 90