Scuvir, chapir, dar vinavant
Dapi il 2008 fa la Viafier retica part dal Patrimoni mundial da l'UNESCO en la cuntrada da l'Alvra e dal Bernina. Quai includa era l'incumbensa da dar vinavant las valurs da quest bain cultural unic. Saja quai infurmaziuns davart l'istorgia dal traffic, la tecnica ferroviara, la cultura viafierila u davart la stretga colliaziun cun la natira e l'economia en ina regiun muntagnarda – la Viafier retica porscha access multifars per persunas d'instrucziun sco era per scolaras e scolars. Moduls d'instrucziun gratuits e purschidas d'excursiun captivantas permettan da scuvrir il patrimoni mundial – en las stanzas da scola e sin las rodaglias.
Moduls d'instrucziun per scolastas e scolasts
La Viafier retica metta a disposiziun material d'instrucziun gratuit per scolastas e scolasts. En 19 moduls pon las scolaras ed ils scolars scuvrir las lingias da l'Alvra e dal Bernina che fan part dal Patrimoni mundial da l'UNESCO – da la tecnica e l'istorgia da la viafier fin a la cultura e la natira da la regiun.
