rm Shop
Close Navigation

Warenkorb

Sie haben keine Produkte im Warenkorb.

Close Navigation

Linguas

Menu
Close Navigation

Linguas

rm Shop Search Menu

    Marcas fermas

    Enconuschent en l'entir mund

    Cun il Bernina Express, il Glacier Express e cun il Patrimoni mundial «Viafier retica en la regiun Alvra/Bernina» da l’UNESCO disponin nus da marcas ch’èn enconuschentas en l’entir mund.

    Visual

    Bernina Express

    Il tren panoramic Bernina Express maina davent da Landquart (523 m s. m.) via Tavau u davent da Cuira (585 m s. m.) tras la Val d’Alvra selvadia en Engiadin’Ota e vinavant al punct il pli aut sin 2 253 m s.m. sin il pass dal Bernina. Suenter maina il viadi sur construcziuns d’art spectacularas giu a Poschiavo e vinavant fin a Tirano en Italia (429 m s.m.) – dals glatschers fin tar las palmas. Tut tenor il lieu da partenza dura il viadi quatter u tschintg uras, el maina tras extrems climatics e collia culturas e linguas. Sin viadi suondan ils puncts da culminaziun in sin l’auter: tunnels a spirala irritants e viaducts che fan vegnir sturn en la val d’Alvra, glatschers en vischinanza immediata e sco conclusiun palmas e bler scharm talian.

     

    Dapli infurmaziuns davart il Bernina Express

    Visual

    Glacier Express

    Dapi il 1930 circulescha il Glacier Express, il tren rapid il pli plaun dal mund, da l’Engiadina al Matterhorn e collia sin ses viadi da bunamain otg uras ils lieus da cura Tavau/San Murezzan, enconuschents en l’entir mund, cun Zermatt. Ils vaguns panoramics permettan ina vista impressiunanta enturn ed enturn, e la nova Excellence Class metta standards ch’èn uschè auts sco ils pizs per lung dal traject legendar. Las spaisas preparadas da frestg en la cuschina dal tren fascineschan ils passagiers anc supplementarmain. En sis linguas survegn il giast via ureglier las infurmaziuns davart ils puncts culminants sper il traject. Da San Murezzan a Tusaun (circa 60 km) traversa il Glacier Express la Val d’Alvra cun il viaduct da la Landwasser renumà.

    Dapli infurmaziuns davart il Glacier Express

    Visual

    UNESCO Welterbe RhB

    La lingia da l’Alvra e dal Bernina tutga dapi il fanadur 2008 tar il Patrimoni mundial da l’UNESCO. Sin l’entir mund essan nus stà pir la terza viafier ch’è vegnida giuditgada da l’UNESCO sco «universal outstanding». La «Viafier retica en la regiun Alvra/Bernina» è in’ovra da maister da la tecnica da viafiers ch’è vegnida creada tras ina interacziun multifara da politica, economia, tecnica, cultura e natira.

    Dapli infurmaziuns davart il Patrimoni mundial da l'UNESCO

    Quai pudess er anc esser interessant per Vus