Stab / HR

Preparar il terren

Planisar, sviluppar, cussegliar, communitgar: la partiziun stab / HR surpiglia funcziuns traversalas e funcziuns da sustegn impurtantas per tut ils champs d'interpresa.

Il servetsch giuridic cusseglia e sustegna tut las partiziuns en connex cun dumondas giuridicas. Las partiziuns spezialisadas qualitad/process e segirezza/risico garanteschan la qualitad e la segirtad da lavurar en l'entira interpresa. Il servetsch da clients prenda encunter propostas e reclamaziuns e prenda per mauns meglieraziuns correspundentas. L'assistenza dal directur sustegna la direcziun ed il cussegl d'administraziun cun surpigliar incumbensas dal secretariat.

Il svilup d'interpresa coordinescha las activitads orientadas vers l'avegnir da la VR e sustegna il management en dumondas strategicas, per exempel en connex cun la planisaziun da la rait e dal traffic general. La communicaziun d'interpresa è responsabla per ina circulaziun d'infurmaziuns cuntinuada e dat ina fatscha a la VR vers anen ed anora.

L'assistenza da persunal sustegna collavuraturas e collavuraturs sco era manadras e manaders da las singulas partiziuns en tut las dumondas da persunal – dal recrutar ed assister fin al promover. Il svilup da persunal elavura la purschida da perfecziunaments interna e cusseglia en dumondas dal perfecziunament, dal svilup da forzas da direcziun e dal coaching. Sco liom cun la rait da scolaziun login è el plinavant responsabel per la furmaziun d'emprendists. La partiziun spezialisada «paja / renta / sistems / servetschs» garantescha che la paja, indemnisaziuns e rentas vegnan pajadas a temp e confurm al reglament als collavuraturs e rentiers. El è plinavant responsabel per tut ils sistems dad IT en il sectur HR.