Producziun

Fidà en il tact

Partenza punctuala, plazs da seser avunda e tren sin il binari gist: Il champ commerzial producziun procura per in traffic sin ils binaris senza incaps – dal svilup da l’urari sur la planisaziun da las capacitads fin al plan d’acziun dals vaguns e da las locomotivas.

Il champ commerzial producziun planisescha, tgenins vaguns e tgeninas locomotivas in tge quantitad che vegnan duvrads sin tgenins trajects – e quants collavuraturs ch’i dovra per tut quai. En il traffic da persunas e da martganzia vegn dà en il tact da la disponibilitad, la punctualitad, la segirezza, la qualitad e la rentabilitad. En differents secturs spezials adempleschan spezialists tut questas incumbensas.

La squadra planisaziun da la rait e gestiun cumpilescha l’urari, dispona il persunal da viadi, ils vaguns e las locomotivas. Duas secziuns da gestiun organiseschan la gestiun sin il lieu a las staziuns – en il nord sco er en il sid. Il persunal da locomotiva survegn assistenza dal respectiv sectur spezial cumpetent sez. Il sectur spezial svilup da producziun sustegna ils auters secturs ed è respunsabel per las prescripziuns concernent il servetsch da viadi sco er la dumbraziun dals passagiers e s’occupa da las applicaziuns da IT.

Els spostan la martganzia sin ils binaris: Il champ commerzial traffic da martganzia organisescha il transport senza incaps da martganzia cun la viafier – grazia ad ina planisaziun cumpetenta, vaguns moderns e posts da transtgargiada en l’entir Grischun.