Infrastructura

En servetsch per 384 kilometers binaris

616 punts, 115 tunnels, 42 galarias, 103 staziuns e circa 1 000 stgomias dovran tgira. Il champ commerzial infrastructura procura che tut funcziuna cun garanzia. Mintg’onn investescha la Viafier retica bler dapli che 100 milliuns francs en projects da reparatura e da renovaziun.

Il champ commerzial infrastructura metta en accordanza er en il futur las midadas tecnicas e la singularitad istorica da la Viafier retica. Passa 200 collavuraturs garanteschan il mantegniment e l‘infrastructura.

Il sectur spezial construciuns d’art taxescha ils edifizis e controlla lur stadi. Reconstrucziuns pli grondas u sanaziuns da staziuns, surpassadis da viafier u implants da binaris vegnan dirigidas dal sectur realisaziun da projects. Il sectur spezial logistica / servetschs planisescha ed organisescha la construcziun dals binaris ed è respunsabel per sia realisaziun. Per implants electrotecnics stat a disposiziun ina squadra spezialisada.

Per il mantegniment current e las vias da circulaziun libras è respunsabel il servetsch da viafier. Latiers tutga er la protecziun cunter privels da la natira.

Themenheft Hochparterre: Eisenbahn renovieren

Bei der Rhätischen Bahn ist die wichtigste und umfassendste Erneuerung ihrer hundert Jahre alten Bahnhöfe, Brücken, Werkstätten und Tunnels im Gang. Und viel Ehre gehört dem Stein. Mehr dazu im Themenheft von Hochparterre, Juni 2018.