Finanzas

Las cifras sut controlla

Ils experts en il sectur spezial da finanzas èn profis da cifras: Els èn respunsabels per la contabilitad ed il controlling, l’administraziun dal material, l’informatica sco er las immobiglias da la Viafier retica.

Il sectur spezial da contabilitad maina la contabilitad da las finanzas, la contabilitad da las investiziuns sco er il quint da las investiziuns. Ils process da  preventiv e da planisaziun da l’entira interpresa en il rom da la strategia vegnan manads dal sectur controlling. El cusseglia ed accumpogna la Viafier retica ultra da quai en cas da projects.

Ils spezialists d‘informatica garanteschan ina structura IT moderna e procuran per soluziuns tecnicamain madiras en il management da projects e process. Il sectur spezial d’immobiglias è cumpetent per l’administraziun, il mantegniment e la planisaziun da novs edifizis ed areals da la Viafier retica. In agen sectur è respunsabel per la gestiun dal material.