Missiun e strategia

En viadi cun fascinaziun

La Viafier retica agescha per il Grischun e fascinescha clients da tut il mund. Ella ha en egl la finamira d'esser «en viadi cun fascinaziun» e vul persvader cun in'organisaziun dal traffic effizienta, cun vehichels novs, cun products fascinants e cun ses engaschi.

Missiun – tgi essan nus?

«La Viafier retica muventa il Grischun e fascinescha clients da tut il mund.»

  • Nus rendain accessibel il Grischun, essan favuraivels a la clientella e da viadi a moda segira, netta e punctuala.
  • Nus ans concentrain sin ina zona centrala delimitada cleramain e prendain activamain influenza sin la concepziun da la purschida dal traffic public en il Grischun.
  • Nus essan in'interpresa fidada ed orientada a la durabilitad per noss clients, per il maun public, per noss collavuraturs e noss partenaris.
  • Nus contribuin al svilup dal turissem en il chantun Grischun.

Strategia 2020 – en viadi cun fascinaziun

«La Viafier retica è la viafier da muntogna la pli multifara, attractiva ed effizienta. Ella è finanzialmain sauna e sa sviluppa a moda durabla.»

Per realisar la visiun han il cussegl d'administraziun e la direcziun generala deliberà la strategia 2020. Il parc da vehichels da la VR ha in grond basegn da vegnir renovà. Questa modernisaziun cumplessiva nizzegia ella ils proxims onns per augmentar cleramain la productivitad. La VR accentuescha uschia sia rolla sco patruna responsabla e pitga principala en il Grischun sco chantun da turissem.

Orientaziuns strategicas

  • augmentar la dumonda dal martgà e gudagnar clients
  • renovar l'infrastructura e modernisar il material rudlant
  • augmentar l'effizienza, la qualitad e la segirtad
  • sviluppar ed amplifitgar la purschida da l'urari
  • trair a niz il potenzial da terzs martgads/fatschentas secundaras e surpigliar ina posiziun da leader
  • rinforzar il posiziunament, l'innovaziun, la digitalisaziun e l'engaschament durabel
ALLEGRA-Stammnetztriebzug

Tschintg trens ad autotracziun da la rait bassa ALLEGRA marcheschan dapi il 2013 il maletg da la VR tranter Schiers e Tusaun.